Алое Вера гелот е ефикасен за стрии
Ако сте загрижени за Вашите стрии, не сте сами. Студиите проценуваат дека 80% од возрасните ги имаат. Стриите обично се предизвикани од постојаното проширување и контракција на кожата поради прекумерно губење на тежината или зголемување на телесната тежина. Стриите имаат од светло сива до виолетова боја, а овие текстурирани ленти најчесто се наоѓаат околу бутовите, задникот, стомакот, градите и надлактиците.
Иако стриите не се знак за здравствен проблем, нивниот изглед може негативно да влијае на нечија самодоверба. Секоја година, илјадници луѓе се подложени на ласерски третмани за да се олесни или минимизира појавата на нивните стрии. Некои луѓе се одлучуваат и за природни лекови за да го постигнат истиот резултат. Еден од нив е и гелот од Алое Вера
Ако се прашувате дали Алое Вера е ефикасна за Вашите стрии, еве што треба да знаете.
Може ли Алое Вера да ги третира стриите?
Поради своите хидратантни и лековити својства, гелот од Алое Вера е популарна состојка во производите за нега на кожа како што се сапуни, хидратантните креми и кремите за лице.
Гелот од Алое Вера може да помогне во избледувањето на стриите поради следниве својства:
- Промовира синтеза на колаген
Гелот од Алое Вера содржи соединенија наречени гиберелин и глукоманан. Гиберелинот е хормон за раст, додека глукоманан е полисахарид богат со маноза. Овие две соединенија го стимулираат растот на фибробластите, што последователно го зголемува производството на колаген.
- Заштитува од УВ и гама зрачење
Изложеноста на сонце може да ги затемни стриите и да ги направи повидливи. Со локална примена на гелот од Алое Вера се произведува металотионеин, антиоксиданс протеин кој помага во елиминирање на хидроксилните радикали. Хидроксилните радикали се создаваат кога УВ зрачењето ги разградува молекулите на озонот. Тие се особено штетни за луѓето бидејќи ги напаѓаат протеинските врски и основните клеточни компоненти.
- Ја хидрира кожата
Истражувањата покажуваат дека локалната примена на хидратантни креми може значително да ја намали појавата на стриите. Гелот од Алое Вера содржи мукополисахариди кои ја врзуваат влагата на кожата. Амино киселините, исто така помагаат во намалување на појавата на стрии или стврднување на епидермалните клетки.
- Ја подобрува еластичноста на кожата
Стриите може да се појават и кога има зголемување на кортизон – хормон произведен од надбубрежните жлезди во телото. Присуството на премногу кортизон во телото може да резултира со губење на еластичноста на кожата. Гелот од Алое Вера, како што веќе спомнавме, ги стимулира фибробластите кои исто така произведуваат еластински влакна. Тие пак ја прават кожата помлада и поеластична.
Како да користите Алое Вера за третман на стрии
Ако сакате да користите свеж гел од Алое Вера листовите на Вашите стрии, еве неколку одлични начини како тоа да го направите:
Земете премиум Алое Вера свеж лист, претходно измијте го листот и правилно извадете го гелот од внатрешноста на начин опишан во постот ПРАВИЛЕН НАЧИН ЗА ЕКСТРАКЦИЈА НА СВЕЖ АЛОЕ ВЕРА ГЕЛ!
- Гел од Aлое Вера:
Еден од најлесните и најефикасните начини за користење на Алое Вера гел е директно да го нанесете свежиот гел од Алое Вера на кожата. Нанесете го самостојно или измешајте го со капсули со витамин Е за да ја смирите кожата. Масирајте ја областа 5 минути, а потоа оставете да делува. За подобри резултати, нанесувајте два пати на ден.
- Маска од Алое Вера:
Гелот од Алое Вера, исто така, може да се меша со други природни производи за да помогне побрзо да ги избледите Вашите стрии. Измешајте две лажици свеж Алое Вера гел со лажичка цимет, разреден сок од лимон, бадемово масло или мед. Нанесете ја оваа маска рамномерно на погодената област и оставете ја да делува 30 минути. Исплакнете со вода. Повторувајте го ова најмалку два пати неделно.
- Пилинг од Алое Вера:
Пилингот помага за правилна циркулација на крвта, го подобрува снабдувањето со кислород и ги отстранува мртвите клетки од Вашата кожата. Измешајте свеж гел од Алое Вера со некои природни состојки за пилинг како мелено кафе или гранулиран шеќер. Масирајте ја погодената област неколку минути, а потоа оставете уште 20 минути пред да исплакнете со вода. Повторувајте го ова секој втор ден.
Посетете ја нашата е-продавница
AloeFace aпарат за правење маски за лице
